Erpsstadir

13/9 - Sumrinu er lokið

erpsstadir — Tue, 13 Sep 2011 20:55:16 +0000

ferðamenn aðeins á stangli og við breytum opnunartímanum hjá okkur um helgina.

Núna verður opið á föstudögum og sunnudögum frá 14-18 amk út október. Þá endurskoðum við opnunartímann. Viðskiptavinum okkar er velkomið að hafa samband og panta hjá okkur, eins ef þið viljið koma við þá er betra að hringja á undan sér og tryggja að einhver geti afgreitt.

Nýtt skyr og nýr rjómi koma í sölu á fimmtudögum. Skyrkonfekt verður að sérpanta með viku fyrirvara. Grikkinn er alltaf til ;=) svo og ýmsar bragðtegundir á rjómaís.

Ekki bara gisting.

erpsstadir — Tue, 14 Jun 2011 18:52:58 +0000

Þegar þú gistir í Gamlabæ á Erpsstöðum geturðu upplifað dag í sveit. Þeir gestir okkar sem þess óska geta fylgt okkur í daglegum störfum dagspart. Kynnst morgunverkum í fjósinu,m.a. fóðrað kálfana og mokað skít! Ekki er tekið sérstakt gjald fyrir það. En eins þeir gestir sem þess óska upplifa ró og yndilegt útsýni frá hlíðum Sauðfells.

Verðlisti og pöntunarlisti hér,,,,

erpsstadir — Tue, 07 Dec 2010 15:09:22 +0000

Þegar þið farið inná flipann heimavinnsla og svo pantanir getið þið séð verðlista. Náið í pöntunarlistann á pdf-formati eða excel-formati. Svo er um að gera að nýta sér ferðir vina og ættingja um þjóðveg 60, og biðja þá fyrir sendingu frá Rjómabúinu.

26. maí- lausar gistinætur í sumar

erpsstadir — Wed, 26 May 2010 23:09:07 +0000

ef þið hafið áhuga á gistingu í Gamlabæ í sumar, kíkið þá á “lausir dagar” undir flipanum - gisting-

5. maí Frumkvöðlar Vesturlands

erpsstadir — Thu, 13 May 2010 14:16:56 +0000

Í dag veittu Samtök sveitarfélaga á Vesturlandi okkur þann heiður að útnefna Erpsstaði frumkvöðul Vesturlands 2009. Það er mikill heiður og hvatning fyrir okkur. Áfram með smjörið!

1. maí í Perlunni

erpsstadir — Thu, 13 May 2010 14:11:47 +0000

Í dag 1. maí tókum við þátt í sýningunni Íslandsperlur. Stóðum í bás Bændasamtakanna og buðum upp á smakk á skyr og osti. Frábært að hitta allt þetta fólk og margir höfðu heyrt af því sem við erum að gera á Erpsstöðum og lístu ánægju sinni með það. Þorgrímur, Ingvar og Gunnlaug voru í Perlunni og stóðu vaktina.

15.april Mýrareldar og sumardagurinn fyrsti

erpsstadir — Thu, 15 Apr 2010 17:25:12 +0000

Ýmislegt er á döfinni. Á laugardaginn 17. april verður vorhátiðin Mýrareldar haldin í Lyngbrekku. Þorgrímur og Ingvar verða þar og kynna og selja ísinn góða, skyrið og ost.

Á sumardaginn fyrsta er svo stefnan tekin á Bifröst. Taka þátt í markaði þar. Það verður spennandi að koma sér á framfæri við nágranna okkar á Bifröst en það er einungis um 30 km á milli Erpsstaða og Bifröst.

Svo erum við að skoða það að taka þátt í sýningu í Perlunni 1-2 maí.

24.03.2010,,Vöknuð af værum blundi,,,,

erpsstadir — Wed, 24 Mar 2010 02:12:54 +0000

Þrátt fyrir að heimasíðunni hafi ekki verið sinnt á nýju ári þá erum við ekki af baki dottin. Við erum að framleiða ís, - eigum alltaf eitthvað í kistunni. Einnig er skyrið að verða ansi gott hjá okkur, ” Þetta gamla góða” og svo eru ostar í burðarliðnum. Svo erum við alltaf til í að taka á móti hópum í fjósið. Ef rétt er reiknað þá erum við núna að byrja 5 árið sem við tökum á móti skólakrökkum frá ungmennabúðunum á Laugum. Þar dvelja 9. bekkingar, sem eru héðan og þaðan af landinu, við leik og störf í eina skólaviku. Að jafnaði er ferðadagur á fimmtudögum og þá koma krakkarnir til okkar, kíkja á kusurnar og smakka mjólk og ís. Einnig fara þau í fjárhús á Stóra- Vatnshorni og í víkingaveröldina á Eiríksstöðum.

Frú Lauga

erpsstadir — Mon, 14 Dec 2009 00:27:04 +0000

Nú er hægt að nálgast Kjaft-æði í Frú Laugu í Reykjavík. Rommrúsínu og aðalbláberja, nammi namm. Einnig er hægt að kaupa ísinn á sveitamarkaðnum Laxárbakka, þar eru í boði nokkrar bragðtegundir. En skemmtilegast er auðvitað að kaupa ísinn “alveg” beint frá býli ;=) Maður þarf auðvitað að hafa fyrir því. Vera ófeiminn við að biðja vini og vandamenn sem eru á faraldsfæti um þjóðveg 60 að kaupa fyrir sig. Eða einfaldlega að nokkrir taki sig saman og sendi pöntun til okkar og við komum ísnum til ykkar.

9. desember, fæddir 7 hvolpar!

erpsstadir — Wed, 09 Dec 2009 23:52:09 +0000

9. desember.
Í dag fæddust 7 hvolpar hjá týru, 5 hvuttar og 2, týkur.
Gotið gekk vel og fæddust þeir allir á 3 og hálfum tíma, frá kl 4 til 7:30.